"ÖLKƏMİZİ TANIYAQ" İŞTİRAKÇILARI ŞƏMKİR HEYDƏR ƏLİYEV MƏRKƏZİNDƏ

"ÖLKƏMİZİ TANIYAQ" İŞTİRAKÇILARI ŞƏMKİR HEYDƏR ƏLİYEV MƏRKƏZİNDƏ

Azərbaycan Prezidenti İlham Əliyevin tövsiyəsinə əsasən "Ölkəmizi tanıyaq" layihəsi çərçivəsində Bakının Nərimanov, Binəqədi, Xətai, Qaradağ, Nəsimi, Xəzər rayonlar və Xaçmaz, Siyəzən məktəbliləri Şəmkir rayonunda olublar.

Şəmkir Rayon İcra Hakimiyyətinin başçısı Alimpaşa Məmmədov Heydər Əliyev Mərkəzinin qarşısına toplaşan məktəblilərlə görüşüb, onlara Şəmkirdə mənalı istirahət arzulayıb.

İcra başçısı əvvəlcə Şəmkir rayonu haqqında məktəblilərə məlumat verib, bu layihənin onların gələcək inkişafındakı əhəmiyyətindən danışıb.

Görüşdən sonra Şəmkir Heydər Əliyev Mərkəzi və Şəmkir şəhər Parkı ilə tanış olan "Ölkəmizi tanıyaq" iştirakçıları daha sonra Şəmkir Tarix-Diyarşünaslıq muzeyində, Alman lüteran kilsəsində olublar.

Məktəblilər Şəmkir rayonundan xoş təəssüratlarla ayrılıblar.