Qazax, Qəbələ, Beyləqan, Şəmkir Heydər Əliyev Mərkəzlərinin və GİKM Qazax nümayəndəliyinin birgə təşkilatçılığı ilə "Heydər Əliyev və neft strategiyası" mövzusunda videokonfrans keçirilmişdir

Qazax, Qəbələ, Beyləqan, Şəmkir Heydər Əliyev Mərkəzlərinin və GİKM Qazax nümayəndəliyinin birgə təşkilatçılığı ilə "Heydər Əliyev və neft strategiyası" mövzusunda videokonfrans keçirilmişdir

15 sentyabr 2020- ci il tarixdə Qazax Rayon Heydər Əliyev Mərkəzi, Beyləqan Heydər Əliyev Mərkəzi, Qəbələ Heydər Əliyev Mərkəzi və Şəmkir Heydər Əliyev Mərkəzlərinin və GİKM Qazax nümayəndəliyinin birgə təşkilatçılığı ilə “Heydər Əliyev və neft strategiyası” mövzusunda videokonfrans keçirilmişdir. Konfransda Beyləqan Heydər Əliyev Mərkəzinin dirktoru Xəyalə Kərimova, Qəbələ Heydər Əliyev Mərkəzinin direktoru Kəmalə Qasımova, Şəmkir Heydər Əliyev Mərkəzinin direktoru Maisə Məmmədova, Mərkəzlərin əməkdaşları və GİKM Qazax nümayəndəliyinin direktoru İsmayıl Süleymanov və fəal gənclər, könüllülər iştirak etmişdirlər.

Qazax Rayon Heydər Əliyev Mərkəzinin direktoru Ceyhunə Hüseynova çıxış edərək videokonfrans iştirakçılarını salamlamış və Bilik günü münasibətilə təbrik etmiş və bildirmişdir ki, Xalqın iradəsi, çağırış və təkidi ilə 1993-cü ildə Heydər Əliyevin hakimiyyətə qayıdışı Azərbaycanın siyasi və iqtisadi həyatında taleyüklü dəyişikliklərin başlanğıcını qoydu. Azərbaycanı labüd fəlakətdən xilas edən dahi rəhbər Heydər Əliyev ölkənin iqtisadi yüksəlişi üçün tədbirlər görməyə başladı. Məhz belə bir çətin şəraitdə Ümummilli lider Heydər Əliyev “Əsrin müqaviləsi”nin imzalanması üçün xarici şirkətlərlə danışıqlra başladı və bu danışıqlar uğurla yekunlaşdı. Saziş oz tarixi siyasi əhəmiyyətinə görə “Əsrin müqaviləsi” adlandırıldı. Bu müqavilə təxminən 400 səhifə həcmində 4 dildə öz əksini tapdı. “Əsrin müqaviləsi” Milli Məclis tərəfindən təsdiq edildi və 12 dekabr 1994 –cü il tarixdən qüvvədədir.

Şəmkir Heydər Əliyev Mərkəzinin direktoru Maisə Məmmədova, Qəbələ Heydər Əliyev Mərkəzinin direktoru Kəmalə Qasımova,Mərkəzin elmi işçisi Aygün Məmmədova, Beyləqan Heydər Əliyev Mərkəzinin direktoru Xəyalə Kərimova, GİKM Qazax nümayəndəliyinin direktoru İsmayıl Süleymanov, gənclər- Fədail Paşayev, Pəri İbrahimova çıxış etmiş və bildirmişlər ki, “Əsrin müqviləsi”nin həyata keçirilməsinə başlanan vaxtdan Azərbaycan iqtisadiyyatında dönüş yarandı və böyük işlərə başlandı. Çətin siyasi və iqtisadi şəraitdə imzalanan bu müqavilə Azərbaycanın iqtisadi inkişafının təməlini qoydu. Sonradan bu müqavilə dünyanın 19 ölkəsindən 41 neft şirkəti ilə 30- dan çox sazişin imzalanmasına yol açdı.Əsrin müqaviləsi həm karbohidrogen yataqlarının miqdarına, həm də sərmayə həcminə görə dünyada bağlanan ən iri sazişlərdəndir.