Ümummilli lider Heydər Əliyevin anadan olmasının 96-cı ildönümü təntənəli surətdə qeyd edilib

Ümummilli lider Heydər Əliyevin anadan olmasının 96-cı ildönümü təntənəli surətdə qeyd edilib

10 may 2019-cu il tarixdə ağsulular Ümummilli lider Heydər Əliyevin anadan olmasının 96-cı ildönümünü təntənəli surətdə qeyd ediblər.
Mərasim iştirakçıları öncə şəhərin mərkəzində, Heydər Parkında Ümummilli Liderimizin əzəmətli abidəsi önünə gələrək heykəlin qarşısına çiçəklər düzüb, nurlu xatirəsini ehtiramla yad ediblər.
Sonra parkda təşkil olunan kitab sərgisinə və məktəblilərin əl işlərindən ibarət sərgiyə baxılıb. Heydər Əliyev Mərkəzində iştirakçıları əllərində üçrəngli bayrağımız olan məktəblilər qarşılayıblar. Ulu Öndərə, Azərbaycana həsr olunan şeirlər söylənilib. Mərkəzdə dahi şəxsiyyətin həyat və fəaliyyətindən bəhs edən sənədli film göstərilib.
Tədbirdə çıxış edənlər ulu öndər Heydər Əliyevin Azərbaycan xalqı qarşısındakı xidmətlərindən, xalqın təkidi ilə ikinci dəfə hakimiyyətə gəldikdən sonra bütün çətinlikləri dəf edərək müasir, müstəqil dövlətin qurulması və inkişafında gördüyü işlərdən danışıb. Ümummilli Liderin uzaqgörən xarici siyasətindən, bu siyasətin Prezident İlham Əliyev tərəfindən uğurla davam etdirilməsindən bəhs olunub.